ՀՀ վարչապետ Նիկոլ Փաշինյանն այսօր ՀՀ ազգային անվտանգության ծառայության ղեկավար կազմին ներկայացրեց ԱԱԾ տնօրենի ժամանակավոր պաշտոնակատար Էդուարդ Մարտիրոսյանին։

«Պարոն Մարտիրոսյանն իր ողջ աշխատանքային գործունեությունը ծավալել է ԱԱԾ-ում: Եթե չեմ սխալվում որևէ այլ տեղ չի աշխատել: Սա շատ կարևոր արձանագրում է»,- ասաց Նիկոլ Փաշինյանը:

ՀՀ վարչապետն իր ելույթում նշեց, որ իր գնահատմամբ ԱԱԾ-ն կայացած ինստիտուտ է.«Մենք պայմանավորվել ենք, որ մեր ամբիցիաները գնալով ավելի մեծանալու են: Մեր հիմնական խնդիրը պետք է լինի նրա պրոֆեսիոնալ մակարդակի շարունակական բարձրացումը»:

Էդուարդ Մարտիրոսյանն իր ելույթում շնորհակալություն հայտնելով ՀՀ վարչապետին՝ ասաց, որ իր համար մեծ պատիվ է ղեկավարել մի կառույց, որտեղ 20 տարուց ավելի ծառայում է. «Հավաստիացնում եմ, որ ԱԱԾ մարմիններն օժտված են բարձր պրոֆեսիոնալիզմով, փորձառու ծառայողներով և հայրենիքին նվիրված անձանցով: Ես Ձեզ կարող եմ հավաստիացնել, որ կլուծենք այն բոլոր խնդիրները, որպեսզի ապահովենք մեր երկրի կայունությունը, ժողովրդի բարօրությունը, ՀՀ և Արցախի անվտանգության ապահովումը և մեր ազգի միասնությունը»: