Դեկտեմբերի 19-ին լրանում է Հայաստանի անվտանգության մարմինների երկարամյա աշխատակից, հետախույզ, պահեստազորի գնդապետ Պետրոս Արտաշեսի Պետրոսյանի 100-ամյակը:        

Գնդապետ Պ. Պետրոսյանը ծնվել է 1923 թ. Գյումրիում: Սովորել է Թբիլիսիի հրետանային ուսումնա­րա­նում, մասնակցել է Հայրենական Մեծ պատերազմին որպես հրետանային մարտկոցի հրամանատար: 1946 թ. ընդունվել է ԵՊՀ միջազգային հարաբերությունների ֆակուլ­­տետ, որտեղից հրավիրվել է աշխատանքի ՀԽՍՀ պետանվտանգության մարմիններ: Շուրջ 20 տարվա հետախուզական գործունեության ընթացքում աշխատել է Լիբանանում, ԱՄՆ-ում, Ֆրանսիայում, Իրաքում, Եգիպտոսում: 1973-1978 թթ. եղել է ՀԽՍՀ ՊԱԿ-ի առաջին բաժնի (արտաքին հետախուզություն) պետ: 1993-2003 թթ. դասավանդել է ՀՀ ԱԱԾ բարձագույն դասընթացներում (Գիտաուսումնական կենտրոնում): 2010 թվականից ՀՀ պատերազմի և զինված ուժերի վետերանների կոմիտեի նախագահն է:

Պարգևատրվել է Կարմիր աստղի, Հայրենական պատերազմի 1-ին աստիճանի շքանշաններով, «Պետանվտանգության պատվավոր աշխատակից» կրծքանշանով, բազմաթիվ մեդալներով:

2009 թ. լույս է տեսել նրա «Էջեր հետախույզի կյանքից» գիրքը:

Շնորհավորում ենք Պետրոս Արտաշեսի Պետրոսյանին 100-ամյա հոբելյանի կապակցությամբ: