Արամ Գառնիկի Հակոբյան

Սամվել Յուրիի Հայրապետյան

ՀՀ ԱԱԾ տնօրենի տեղակալ

Ծնվել է 1967թ. հունիսի 9-ին Կիրովական քաղաքում։
1984-1991թթ. սովորել է Երևանի պետական համալսարանում։
1985-1987թթ. ծառայել է ԽՍՀՄ զինված ուժերում։
1989-1994թթ. դասավանդել է դպրոցում։
1994թ. ծառայում է ՀՀ ազգային անվտանգության մարմիններում՝ զբաղեցնելով օպերլիազորից մինչև վարչության պետի, գլխավոր վարչության պետի տեղակալի պաշտոններ։
2019թ. դեկտեմբերի 20-ին ՀՀ նախագահի հրամանագրով նշանակվել է ՀՀ ԱԱԾ տնօրենի տեղակալ։
2024թ. հունվարի 12-ին ՀՀ նախագահի հրամանագրով ազատվել է զբաղեցրած պաշտոնից և նույն օրը ՀՀ վարչապետի որոշմամբ նշանակվել է ՀՀ ազգային անվտանգության ծառայության տնօրենի տեղակալ:
Ունի գեներալ-մայորի զինվորական կոչում:
Պարգևներ՝ 
2018թ.՝ Մարտական ծառայության մեդալ
2019թ.՝ ՀՀ վարչապետի հուշամեդալ
2020թ.՝ «Հայրենիքին մատուցած ծառայությունների համար» 2-րդ աստիճանի մեդալ: 

Անդրանիկ Արամի Սիմոնյան

ՀՀ ԱԱԾ տնօրենի տեղակալ

Ծնվել է 1989 թվականի հոկտեմբերի 10-ին Հոկտեմբերյան քաղաքում։
2009թ. ավարտել է ՀՀ ոստիկանության ակադեմիայի իրավագիտության ֆակուլտետի բակալավրիատը։
2013թ. ավարտել է ՀՀ պետական կառավարման ակադեմիայի իրավագիտության ամբիոնի մագիստրատուրան։
2013թ. ուսումնառություն է անցել «Դատախազության դպրոց» ՊՈԱԿ-ում։
2019-2020 թթ. հանդիսացել է ՀՀ արդարադատության ակադեմիայի ունկնդիր։
2009-2012 թթ. աշխատել է ՀՀ ոստիկանության իրավաբանական վարչության իրավական փորձաքննությունների բաժնում նախ՝ որպես տեսուչ, ապա՝ ավագ տեսուչ։
2012-2013 թթ. աշխատել է ՀՀ ոստիկանության կազմակերպված հանցավորության դեմ պայքարի գլխավոր վարչության 1-ին (կոռուպցիայի և տնտեսական գործունեության դեմ ուղղված հանցագործությունների հակազդման) վարչության 3-րդ (ֆինանսավարկային համակարգում կատարվող հանցագործությունների, փողերի լվացման և ահաբեկչության ֆինանսավորման դեմ պայքարի) բաժնում օպերլիազոր։
2014-2018 թթ. աշխատել է Երևան քաղաքի Կենտրոն և Նորք-Մարաշ վարչական շրջանների դատախազության դատախազ։
2020 թվականի հունիսի 22-ի Բարձրագույն դատական խորհրդի թիվ ԲԴԽ-38-Ո-86 որոշմամբ ներկայացված առաջարկությամբ՝ ՀՀ նախագահի 2020թ. հունիսի 26-ի թիվ ՆՀ-132-Ա հրամանագրով նշանակվել է Լոռու մարզի առաջին ատյանի ընդհանուր իրավասության դատարանի դատավոր։
2021թ. մարտի 26-ի ՀՀ վարչապետի թիվ 298-Ա որոշմամբ նշանակվել է ՀՀ քննչական կոմիտեի նախագահի տեղակալ։
2021թ. մարտի  31-ի  ՀՀ նախագահի թիվ ՆՀ-55-Ա հրամանագրով նշանակվել է  ՀՀ ազգային անվտանգության ծառայության տնօրենի տեղակալ։
2024թ. հունվարի 12-ին ՀՀ նախագահի հրամանագրով ազատվել է զբաղեցրած պաշտոնից և նույն օրը ՀՀ վարչապետի թիվ 35֊Ա որոշմամբ նշանակվել է ՀՀ ազգային անվտանգության ծառայության տնօրենի տեղակալ:
Ունի գեներալ-մայորի զինվորական կոչում:
Իրավաբանական գիտությունների թեկնածու է։
Պարգևներ՝
2023թ.՝  «Հայրենիքին մատուցած ծառայությունների համար» 2֊րդ աստիճանի մեդալ:

Եսաի Յուրիի Մկրտչյան

ՀՀ ԱԱԾ տնօրենի տեղակալ

Ծնվել է 1971 թվականի սեպտեմբերի 16-ին Նախիջևան քաղաքում։
1993թ. գերազանցությամբ ավարտել է Երևանի ժողովրդական տնտեսության ինստիտուտը։
1993 թվականից ծառայության է անցել ՀՀ ազգային անվտանգության մարմիններում՝ զբաղեցնելով օպերլիազորից մինչև գլխավոր վարչության պետի պաշտոններ։
2024թ. մայիսի 31-ին ՀՀ վարչապետի որոշմամբ նշանակվել է ՀՀ ազգային անվտանգության ծառայության տնօրենի տեղակալ:
Ունի գեներալ-մայորի զինվորական կոչում:
Պարգևներ՝ 
2002թ.՝ Մարտական ծառայության մեդալ
2011թ.՝ «Հայրենիքին մատուցած ծառայությունների համար» 2-րդ աստիճանի մեդալ
2017թ.՝  ՀՀ վարչապետի հուշամեդալ
2019թ.՝  Արիության մեդալ: